დამეთანხმებით რომ მუდმივად წიგნებთან ჯდომა ძალიან დამღლელია, მაშინ როდესაც გარეთ მშვენიერი ამინდია და გართობისკენ გიწევს გული.. მე შემოგთავაზებთ რჩევებს, რომლებიც დაგეხმარებათ მოტივაციის გაზრდაში და შრომის ნაყოფიერების ამაღლებაში <3

იმისათვის, რომ აიმაღლოთ მოტივაცია და სამუშაოს ხარისხიანად შესრულება შეძლოთ, მიყევით შემდეგ რეკომენდაციებს:

• გამოყავით სამუშაო კუთხე-მნიშვნელობა არ აქვს სად ცხოვრობთ, საკუთარ სახლში, საერთო ბინასა თუ საცხოვრებელში, გამოყავით სამეცადინო ადგილი. სულ მცირე ადგილის გამოყოფაც კი საშუალებას მოგცემთ გამიჯნოთ სამუშაო და მოსასვენებელი ადგილი ერთმანეთისგან და დაგეხმარებათ უკეთ კონცენტრირებაში.

• გათავისუფლდით ხელისშემშლელი ფაქტორებისაგან – შეიქმენით სამუშაო ატმოსფერო და შეეცადეთ მოწყდეთ ყველაფერს, რაც ხელს გიშლით სამუშაოზე კონცენტრაციის მოხდენაში, იქნება ეს მუსიკა, ხმაური, ტელეფონი, კომპიუტერი თუ სხვა რამ. თუ სიწყნარეში მუშაობა არ შეგიძლიათ, ჩართეთ წყნარი მუსიკა გემოვნებისამებრ. მის ფონზე სამუშაო უფრო ადვილად შესასრულებელი მოგეჩვენებათ. რაც შეეხება სოციალურ ცხოვრებას, კვირის განმავლობაში სახლში გვიან მისვლის ნაცვლად, ეცადეთ დრო რაციონალურად გამოიყენოთ, რათა კვირის ბოლოს მეგობრებთან ერთად სასიამოვნო დროის გასატარებლად უფრო მეტი შესაძლებლობა გქონდეთ.

• შეადგინეთ სამუშაო განრიგი– ხანდახან საშინაო დავალებები და გამოცდები დაუსრულებლად გვეჩვენება და დროის ეფექტურ დაგეგმვას მოითხოვს. იმეცადინეთ სადმე მშვიდ ადგილას, ტელევიზორისა და სხვა ხელისშემშლელი ფაქტორებისაგან მოშორებით. სამეცადინო ისე გადაანაწილეთ, რომ ყველაფრის კეთება ბოლო წუთში არ მოგიწიოთ. მაგალითად, თუ 6 საათის სამუშაო გაქვთ, დაყავით ის 2 საათიან მონაკვეთებად და გააკეთეთ მცირე შესვენებები მათ შორის. ასე უფრო გაგიადვილდებათ სამუშაოზე ფოკუსირების მოხდენა და მის შესრულებას უფრო სწრაფადაც შეძლებთ.

• გააკეთეთ რეგულარული შესვენებები და გაანებრივეთ საკუთარი თავი სიურპრიზებით – საათში ერთხელ 5 წუთიანი შესვენებები დაგეხმარებათ გამოცოცხლებასა და ტვინის გაჯანსაღებაში. დატოვეთ სამუშაო გარემო, გადით სუფთა ჰაერზე, ან იმით დაკავდით, რაც სიამოვნებას განიჭებთ. იფიქრეთ გრძელვადიან პერსპექტივაში. გირჩევნიათ ახლა დათმოთ გართობა და თქვენი შესაძლებლობების მაქსიმუმი გააკეთოთ, შემდეგ კი დატკბეთ მიღწეული შედეგით.

скачать dle 11.3