ბევრი გოგოს ოცნებაა ლამაზი და ბზინვარე ღია თმა. ჩვენ ძალიან ბევრ ფულს ვხარჯავთ უსარგებლო საღებავებში, რომლებიც ფასის განსხვავების მიუხედავად ერთნაირად, გამანადგურებლად მოქმედებენ ჩვენს თმაზე. არსებობს თუ არა ალტერნატიული ვარიანტი იმისთვის , რომ თმის სასურველი ფერი და ამასთანავე ჯანსაღი სტრუქტურა მივიღოთ? წაიკითხეთ სტატია ბოლომდე.

უძველეს დროში, როდესაც ქალებმა არაფერი იცოდნენ თმის ქიმიური საღებავების შესახებ, სილამაზის შესანარჩუნებლად და უფრო მეტად გასალამაზებლად, თმას ნატურალური საშუალებების გამოყენებით იღებავდნენ. ერთ-ერთი ასეთი საშუალება გვირილაა. ეს მცენარე ეთერზეთებს, ვიტამინებს, ბუნებრივი საღებავებს, კაროტინოიდებს და მინერალებს შეიცავს და იმდენად დადებითად მოქმედებს თმაზე, რომ ამაზე საუბარი, დიდი ხნის მანძილზე შეიძლება. ქვემოთ, გვირილის მოხმარების შემთხვევაში, მისი დადებითი ეფექტების მხოლოდ მცირე ჩამონათვალს წარმოგიდგენთ:

თმა აღარ იხლართება;
კარგი პროფილაქტიკაა თმის ცვენის საწინააღმდეგოდ. გვირილა თმის ძირებს კვებავს და ამაგრებს;
აშორებს ქერტლს;
ანიჭებს თმას მბზინვარებას და 2 ტონით აღიავებს მას;
აჩქარებს თმის ზრდის პროცესს;
ამცირებს თმის ცხიმიანობას;
ნიღბავს ჭაღარა თმას;

როგორც ზემოთ იყო აღნიშნული, გვირილა მხოლოდ თმას კი არ უცვლის ფერს, ის კარგი მკვებავიცაა. მისი გამოყენება ნებისმიერი ფერის თმაზე შეიძლება: ღია ფერის თმა, გვირილის ნახარშის გამოყენების შემდეგ, ჯანსაღ მბზინავ ელფერს იღებს, წაბლისფერს და უფრო მუქ ფერს – ოქროსფერი ტონალობის მბზინვარება ენიჭება. უნდა აღინიშნოს, რომ გვირილა სწრაფ ეფექტს არ იძლევა და თმის ფერის მკვეთრად შესაცვლელად, მისი გამოყენება სისტემატიურად არის საჭირო, ყოველი დაბანის დროს. ქიმიური საღებავისგან განსხვავებით, გვირილა მუქი ფერის პიგმენტებს კი არ წვავს , ღებავს. ამისთვის კი, მისი ხშირად გამოყენება არის საჭირო.

გვირილით საღებავის მომზადება რამდენიმე მეთოდით შეიძლება:

1. 2 ს. კ. სამკურნალო გვირილას დაასხით 200 მლ. მდუღარე წყალი და თავზე დაახურეთ.
2.4 ს. კ. დანაწევრებულ გვირილის ყვავილებს დაასხით 1 ჭ. მდუღარე წყალი და 30 წთ. გააჩერეთ წყლის აბაზანაზე.
3.1 ჭ. სამკურნალო გვირილას დაასხით 1 ლ. ცხელი წყალი, მიიყვანეთ დუღილის ტემპერატურამდე და ადუღეთ დაბალ ცეცხლზე 5 წთ.

შენიშვნა: უფრო გაჯერებული თმის ფერის მისაღებად, რეცეპტებში მოცემული გვირილის რაოდენობა გაზარდეთ, ხოლო წყლის რაოდენობა, პირიქით – შეამცირეთ. გარდა ამისა, უკვე გაგრილებულ ნაყენს თუ ნახარშს შეგიძლიათ ნახევარი ლიმონის წვენი დაამატოთ.

მიღებული ნაყენი გაფილტრეთ მარლაში და ჩაასხით პულვილიზატორში, რომ თმაზე კარგად გადაანაწილოთ.
გამოყენება: მას შემდეგ, რაც თავის დაბანას დაასრულებთ, სველ თავზე გვირილის ნაყენი გადაივლეთ. არავითარ შემთხვევაში არ გაიმშრალოთ პირსახოცით. შეგიძლიათ მხოლოდ მსუბუქად გაიწუროთ ხელით. არ შეიძლება ასევე ფენის გამოყენება. თმა ბუნებრივად უნდა გაშრეს.скачать dle 11.3