წარმოგიდგენთ ცნობილ ქართველ ქალბატონებს, რომლებსაც ასაკი არ ეტყობათ, შეიძლება არც კი დაიჯერებთ როცა გეტყვით, რომ ამ ქალბატონებმა ნახევარ საუკუნეს უკვე მიაღწიეს, ზოგიერთმა მათგანმა გადააბიჯეს კიდეც.

ეკა ჩხეიძე –53 წლის

ეკა ჩხეიძეს შესანიშნავი ვიზუალი და ტალანტი გენეტიკურად გადმოჰყვა, ის ლეგენდარული ქართველი მსახიობის მედეა ჩახავას შვილიშვილი და რეჟისორ თემურ ჩხეიძის შვილია. დაამთავრა შოთა რუსთაველის სახელობის თეატრალური ინსტიტუტი. გადაღებულია 10-მდე მხატვრულ ფილმში, წლების განმავლობაში სხვადასხვა საინტერესო სახე შექმნა კინომსახიობთა თეატრისა და მარჯანიშვილის თეატრის სცენაზე. ეკა ჩხეიძე ამბობს, რომ ბებიის, მედეა ჩახავას რეცეპტი იმისათვის, რომ კარგად გამოყურებოდე არის, ადამიანის ხასიათი და განწყობა, აუცილებელია გქონდეს პოზიტიური განწყობა ამა თუ იმ საკითხთან მიმართებაში.

ია ფარულავა–50 წლის

მსახიობ ია ფარულავას გარეგნობაზე საუბარი მას შემდეგ არ წყდება რაც ის დიდ ეკრანზე პირველად გამოჩნდა. იას 12 წლის ასაკიდან იღებდნენ ფილმებში. მისი სილამაზით თავის დროზე რობერტ დე ნიროც კი მოიხიბლა და მოსკოვის 10 საერთაშორისო კინოფესტივალზე, ფესტივალის ყველაზე ლამაზ გოგოდ მან ფარულავა აირჩია.

როგორც თავად ამბობს მას საკუთარი გარეგნობა ახლა უფრო მოსწონს, ვიდრე წლების წინ. მას წლების განმავლობაში ჰქონდა გადაცემა: "ჩემი მშვენიერი ლედი", სადაც ქალებს იმიჯს უცვლიდა და ალამაზებდა, თავად კი როგორც სილამაზის ექსპერტი და "კეთილი ფერია" ისე წარსდგებოდა მაყურებლების წინაშე. გადაცემა 2000-იან წლებში, საკმაო პოპულარობით სარგებლობდა.

ია ფარულავა და ეკა ჩხეიძე 1987 წელს

ეკა კახიანი–54 წლის

პროფესიით მსახიობია, მან თეატრალურ ინსტიტუტის სწორედ ის ცნობილი ჯგუფი დაამთავრა, სადაც ეკა ჩხეიძე და ია ფარულავა სწავლობდნენ. ეკა კახიანი საზოგადოების ყურადღების ცენტრში ბავშვობიდან მოექცა, ის ყველასათვის საყვარელი ანსამბლ "მზიურის" წევრი გახლდათ.

მრავალ პოპულარულ სიმღერასთან და კლიპთან ერთად აღსანიშავია მისი როლი, 90-იანი წლების ერთ-ერთ ყველაზე პოპულარულ ქართულ ტელესერიალში "ძილის წინ" - ლელა დეკანოსიძე


ეკა კახიანი და ია ფარულავა თეატრალურ ინსტიტუტში, ჯგუფელებთან ერთად

скачать dle 11.3